BASES I TROFÉU CURRIVERÁS DE GAITEROS/-ES MOZOS/-ES

I TROFÉU “CURRIVERÁS” DE GAITEROS/-ES

MOZOS/-ES

El Conceyu Cultural Curriverás, col enfotu de reconocer l´esfuerzu de los músicos más mozos que centren la so actividá na interpretación a la gaita asturiana convoca´l I TROFÉU CURRIVERÁS DE GAITEROS/-ES MOZOS/-ES, que va mandase de les siguientes BASES:

1.- Puen participar tolos interesaos, a títulu personal, y que nun pasen de los 18 años a fecha de 31 d´avientu de 2010.

2.- Ye necesario inscribise, faciendo constar los datos siguientes:

-Nome y apellíos

-Copia o imaxe de DNI

-Teléfonu (propiu o nel so casu de la persona representante)

-Corréu-e

Bien por corréu electrónicu a curriveras@gmail.com o a la direición postal

La Talamera 73, 33930, Barros-Llangréu. La inscripción nel concursu va tar abierta hasta’l día 09 d’agostu de 2010 (en casu de mandalo vía postal tendráse en cuenta la fecha del matasellos).

3.- Establezse una única modalidá de méritos cualitativos, que s´acreditarán en dos fases, eliminatoria y final:

-Eliminatoria: Va ser el sábadu 21 d´agostu de 2010 a les 11:00 h nel Centru Social de Barros, Conceyu de Llangréu (cai…). Cada gaiteru tien d´interpretar dos pieces asturianes, tradicionales o d´autor, qu´escueya personalmente y que cumplan los requisitos que vienen darréu:

-Una pieza en mou mayor, a escoyer pol propiu gaiteru.

-Una pieza na tonalidá de Do Menor, a escoyer pol propiu gaiteru.

En casu de que l´alta participación lo aconseye, la eliminatoria estenderáse ente la mañana y la tarde del mesmu día 21, informándose previamente del horariu de participación de caún. En casu de que´l númberu d´inscritos sía igual o menor de 6, pasarán toos a la final, ensin celebrase la eliminatoria.

-Final: Va facese´l domingu 29 d´agostu de 2010 a les 17:00 h nel Centru Social de Barros. Cada gaiteru interpretará dos pieces: una asturiana, tradicional o d´autor, qu´escueya personalmente, y la otra obligatoria, que va ser Muñeira de Veriña. Facilitaráse la partitura de la pieza obligatoria nel momentu de la inscripción, o descargándola en cualaquier momentu dende cuartetucurriveras.blogspot.com

4.- Los participantes tiene que presentase nel llugar del concursu como mínimo 30 minutos enantes del empiezu de cada una de les dos fases. La non presentación nesi tiempu supón la descalificación del participante.

5.- La gaita tien de ser asturiana, pudiendo presentar cualaquier afinación. Nun s´establez limitación nel númberu de bordones.

6.- L’usu de traxe tradicional nun ye obligatoriu y nun se puntuará nin negativa nin positivamente el fechu de vestilu nel concursu, quedando´l so usu a llibre elleición del concursante.

7. El tiempu d’actuación nun podrá pasar de los 12 minutos, penalizándose esti fechu si´l xuráu lo ve conveniente.

8.- El xuráu va tar compuestu por dos maestros gaiteros, amás d´un tercer xuráu, con voz pero ensin votu, perteneciente al Conceyu Cultural Curriverás, que fadrá les veces de presidente y vocal del mesmu.

9.- El fallu del xuráu sedrá inapelable.

10.- Establécense tres premios:

PRIMERU: 150€ y TROFÉU

SEGUNDU: 80€ y DIPLOMA

TERCERU: 50€ y DIPLOMA

11.- Cualaquier incidencia non contemplada nes presentes bases resolveráse por decisión y a criteriu de los miembros del Conceyu Cultural Curriverás.

12.- La participación supón l´aceptación dafechu de les presentes bases.

ANEXU:

Los criterios de puntuación polos que se van rixir los miembros del xuráu son los que vienen darréu:

- Afinación, d´un total de 25 puntos.

- Interpretación, d´un total de 25 puntos.

- Ritmu, d´un total de 25 puntos.

- Gustu, d´un total de 25 puntos.

Les valoraciones del xuráu van recoyese por escrito, asina como cualaquier comentariu que-yos abulte

oportunu, y va poder dase una copia al interesáu, previa solicitú al Conceyu Cultural Curriverás.